॥ श्री संत नारायणजी अप्पा महाराज ॥
श्री मृदंगाचार्य कृष्णा महाराज ढाळेगांवकर विरचित
॥ श्री संत नारायणजी अप्पा महाराज यांची आरती ॥
निर्गुण निर्विकारी स्वये श्रीहरी ।
ढाळेगांव क्षेत्री अवतरले भूवरी ॥
लौकीक सांडुनि प्रेम भक्ती प्रस्तारी ।
साधू संत योगी ध्याति अंतरी ॥ १ ॥
जयदेव जयदेव जय नारायणा ।
तारुनिया भवसिंधू उद्धरी दीना ॥धृ॥
ज्ञानियाचा अवतार भक्तशिरोमणी ।
घेई ढाळेगावीं समाधी संजीवनी ॥
शोभे द्वारी भक्तीपिंपळ सुवर्णी ।
नारायण माऊली कृपाळू दानी ॥ २ ॥
आषाढीचा सोहळा महिमा अनंत ।
अवघे भक्त जन येती वो संत ॥
घेवोनिया जलवेष धरेवर वर्षत ।
येती भेटीलागी स्वये भगवंत ॥ ३ ॥
ब्रह्मपदी साधू नित्य विराजे ।
पापा तापा होळी करी तंव तेजे ॥
हरी ध्याता कृपा करी हा सहजे ।
सेवि कृष्णदास सदा पदाम्बुजे ॥ ४ ॥
॥ श्री संत नारायणजी अप्पा
संजीवन समाधी ॥
श्री क्षेत्र ढाळेगांवला कसे जावे यासाठी पुढच्या लिंक वर क्लिक करा.
